Hvað er Úrvalsdeildin?

Úrvalsdeildin, áður kölluð "Tier 1", er deildin sem kom GTS Iceland af stað í upphafi árs 2018 og var sú eina á fyrsta og öðru keppnistímabili. Í dag er Úrvalsdeildin efsta deild mótaraðarinnar og skipar hröðustu Gran Turismo ökumenn landsins.

Keppnistímabilið er langt og strangt, eða u.þ.b. 8 mánuðir og 16 keppnir, en skiptist upp í Vetrar- og Vortímabil (fyrir og eftir áramót). Keppnirnar eru langar og krefjandi og um margt að hugsa. Hver keppni er um það bil 1 klst +/- að lengd, að undanskildum tveimur þolaksturskeppnum sem eru 2 klst hvor.

Fyrir þá sem vilja er hægt að keyra í tveggja manna liðum, og verður þá haldið utan um stig liða líka. Keppt er á Gr.1, Gr.2, Gr.3 og Super Formula bílum á 2022-23 keppnisárinu og velja keppendur sér einn bíl úr hverjum flokk til að keyra út tímabilið.

 

Í Úrvalsdeildinni er ekki bara nóg að keyra vel, heldur þarf að huga að dekkja- og bensínplani og halda einbeitingu. Því er ekki eingöngu mikilvægt að þekkja bæði braut og bíl vel, heldur þarf einnig að spá í hvaða keppnisplan þú notar. Að auki eru skemmdir stilltar á "heavy", sem þýðir að það þarf að gera við í pittinum lendi keppandi í óhappi.