TIER 1

REGLUR OG FYRIRKOMULAG 2020-21

- KEPPNIR OG KEPPNISBÍLAR -

Tímabilið samanstendur af 17 keppnum yfir 8 mánaða tímabil. Meirihluti keppna eru á Gr.3 bílum, en einnig er keyrt á Gr.1, Gr.2 og Super Formula bílum, ásamt tveimur "one-make" keppnum. Keppnisdagar eru á miðvikudagskvöldum aðra hverja viku. Ef það kemur fyrir að víkja þurfi frá því fyrirkomulagi og halda keppni á öðrum degi verður það tilkynnt með eins miklum fyrirvara og mögulegt er.

Áður en tímabil hefst velur hver keppandi sér bíla sem hér segir:

 

Gr.3 = 1x bíll (7 keppnir)

Gr.2 = 1x bíll (4 keppnir)

Gr.1 = 1x bíll (2 keppnir)

Super Formula = Velja Honda eða Toyota (2 keppnir)

Tilkynna þarf bílaval í síðasta lagi kvöldið fyrir fyrstu keppni tímabilsins. Eftir þann tíma er leyfilegt að gera eina breytingu á bílavali yfir tímabilið. Athugið að ef keyrt er í tveggja manna liði þurfa báðir liðsfélagar að velja bíla saman og keyra alltaf sömu bíla í hverri keppni.

 

Notkun á livery er frjáls, en eftirfarandi merkingar ættu að vera einhverstaðar sjáanlegar á bílunum:

 

- Merking GTS Iceland

- Merkingu Tasty, sem er styrktaraðili deildarinnar.

- Merkingu AutoCenter, sem er styrktaraðili deildarinnar.

- Merkingu Hafið Fiskverslun, sem er styrktaraðili deildarinnar.

Decals má finna í gallery hjá "Guffaluff" í leiknum. Þessar merkingar þurfa ekki að vera stórar, en þurfa að vera sjáanlegar einhverstaðar á bílunum.

 

- KEPPENDUR -

Það er pláss fyrir 14 keppendur í Tier 1 og er þeim plássum úthlutað á 2020-21 tímabili sem hér segir:

- Efstu 10 menn 2019-20 tímabils fá tryggðan keppnisrétt hafi þeir áhuga.

- Sigurvegarar Vetrar- og Vortímabils Tier 2 fá keppnisrétt, hafi þeir áhuga

- Tímatökur eru haldnar í aðdraganda tímabils þar sem keppt verður um hin laus sæti deildarinnar

- Ef einhver af Top 10 ætlar ekki að vera með á næsta tímabili, þá opnast fleiri pláss í tímatökunum

Athugið að þetta fyrirkomulag breytist að loknu tímabili og fækkar öruggum sætum Tier 1. Mun það verða þannig að efstu 8 keppendur Tier 1 á 2020-21 tímabili verða öruggir áfram í Tier 1, og opnast því tvö auka sæti sem keppt verður um í tímatökum fyrir 2021-22 tímabilið.

 

Fari svo að keppandi dragi sig úr keppni á tímabilinu, þá býðst næsta manni úr Tier 1 tímatökunum plássið ef það gerist í upphafi tímabils. Séu aftur á móti 5 keppnir eða fleiri liðnar af tímabilinu, þá býðst plássið efsta manni í Tier 2. Ef sá hefur ekki áhuga er farið niður listann þar til einhver vill færast upp í Tier 1. Hafi enginn Tier 2 keppandi áhuga á að færast upp verður farið niður listann af keppendum sem tóku þátt í Tier 1 tímatökunni, þ.e. ef þeir eru ekki allir nú þegar í Tier 2.

 

Falli einhver frá keppni eftir að vortímabil Tier 2 er hafið, þá verður leitað til sigurvegara vetrartímabils til að fylla í hópinn, hafi hann áhuga, en annars leitað niður listann. Hafi enginn keppandi í Tier 2 áhuga á plássinu er farið niður listann úr Tier 1 tímatökunum. Hafi enginn þar áhuga verður ekki bætt í deildina. Athugið að ef sigurvegari vetrartímabils Tier 2 þiggur boðið um að færa sig í Tier 1, þá er hann samt sem áður með tryggðan keppnisrétt í Tier 1 á næsta tímabili.

Hætti keppandi þáttöku í deildinni þegar 5 keppnir eða minna eru eftir af tímabilinu, þá er ekki leitað eftir ökumanni til að fylla í skarðið, heldur tímabilið klárað með færri keppendum. 

Keppendur geta parað sig saman í tveggja manna keppnislið. Öll lið skulu vera tilkynnt í síðasta lagi kvöldið fyrir fyrstu keppni. Heildarstig liða verða tekin saman samhliða stigakeppni ökumanna. Það er engin skylda að keyra í liðum, þannig þeir sem kjósa heldur að keyra solo tapa engu á því.

- VERÐLAUN -

Sigurvegari Keppni [Tasty]

- Hamborgaramáltíð fyrir tvo

Hraðasti Hringur í Keppni [Hafið Fiskverslun]

- 3.000kr gjafabréf hjá Hafinu Fiskverslun

1. Sæti á tímabilinu [AutoCenter]

- Nano Ceramic meðferð fyrir fólksbíl eða jeppa

- Bikar

2. Sæti á tímabilinu [AutoCenter]

- Alþrif og mössun

- Bikar

3. Sæti á tímabilinu [AutoCenter]

- Alþrif og bón

- Bikar

Flestir hröðustu hringir á tímabilinu [AutoCenter | Hafið]

- Medalía (AutoCenter)

- Gjafabréf (Hafið)

Flestir ráspólar á tímabilinu [AutoCenter]

- Medalía

 

Ef einn eða fleiri keppendur enda jafnir í fjölda ráspóla/hröðustu hringja, þá ræður það úrslitum hver stendur best að vígi í stigakeppninni.

 

Dæmi: Ökumaður 1 og ökumaður 2 enda tímabilið jafnir með 3 ráspóla hvor. Ökumaður 2 endaði tímabilið í 3. sæti í stigakeppninni á meðan ökumaður 1 endaði í 5. sæti. Ökumaður 2 hlýtur því verðlaunin.

- TÍMATÖKUR -

Allar keppnir eru keyrðar í Lobby Mode: Practice/Qualifier/Race (eða Endurance Race) og verður Grid Order sett sem Fastest First. Lobbyið er opnað ekki seinna en 15 mínútum fyrir keppni og byrjar í Practice hlutanum. Þann tíma geta menn notað til að koma sér inn í lobbyið, hita upp og setja hringi, en þeir tímar munu ekki gilda til tímatöku. Tímatakan fer fram í Qualifier hlutanum, en að honum loknum skiptist beint yfir í keppnina og er ekkert hlé á milli.

Eftir að tímatöku hefur verið hleypt af stað, þá er stranglega bannað að "Cancel Entry". Ef keppandi gerir það, þá er viðkomandi búinn að taka sig út úr tímatökum og mun ekki geta komist aftur inn. 

Ef þú ert ekki í miðjum tímatökuhring, t.d. í outlap, inlap, eða ónýtum hring vegna mistaka, þá átt þú að passa mjög vel að vera ekki fyrir öðrum keppendum sem eru mögulega að setja tímatökuhring. Heilbrigð skynsemi ræður hér og allir gera sitt besta til að vera ekki fyrir hvor öðrum á meðan tímatökurnar standa yfir.

 

- KEPPNIN -

Um leið og tímatakan klárast skiptir leikurinn sjálfvirkt beint yfir í keppnina sjálfa og raðast keppendur á ráslínu samkvæmt þeim tímum sem settir voru í tímatökum.

 

Miðað er við að hver keppni taki u.þ.b. 1 klst +/- og er fjöldi hringja stilltur samkvæmt því.

 

Notast er við 3x Tyre Wear og 2x Fuel Depletion þannig að pit-stop strategía verður hluti af hverri keppni. Leyfileg dekk í keppnum eru sjálfgefin dekk keppnisbíla: Racing Medium á Super Formula, Racing Hard í öðrum flokkum. 

Ræst verður með "Rolling Start" í Gr.3 og Gr.1 keppnum, en "Grid Start With False Start Check" í Gr.2, Super Formula og One-Make keppnunum.

Í keppninni er regla númer 1, 2 og 3 að keyra clean og sýna öðrum keppendum virðingu. Ekki reyna framúrakstur ef það er ekki pláss og fylgstu vel með því sem er að gerast í kringum þig. Við hringanir ber þeim sem verið er að hringa að virða bláu flöggin og hleypa framúr eins greiðlega og mögulegt er með því að gefa eftir aksturslínuna. Í keppninni er annars miðað við að almennar raunheima reglur í kappakstri gildi, en HÉR má finna góða lesningu fyrir þá sem vilja kynna sér þær betur og/eða rifja upp. ATH að ekki er leyfilegt að skilja bílinn eftir sem ghost í autodrive þar sem það getur verið truflandi fyrir aðra ökumenn.

Mælst er til þess að keppendur hafi Radar á þegar aðrir keppendur eru nálægt til þess að geta betur fylgst með og fyrirbyggt árekstra. Hafið í huga að erfitt getur verið að áætla nákvæmlega hvenær mótspilarar bremsa. Margt spilar þar inn í, m.a. bílaval, ástand dekkja o.fl.. Því er ekki ráðlagt að vera of nálægt næsta manni rétt fyrir beygju til að forðast að keyra aftan á næsta bíl ef viðkomandi bremsar fyrr en áætlað. Gæta skal ýtrustu varúðar þegar keyrt er í návígi við aðra keppendur.

Refsingar vegna brautarmarka (track limits) eru á ströngustu stillingum og Mechanical Damage er á Heavy. Sú stilling gerir það að verkum að ef þú lendir í skemmdum, þá þarftu að fara í pittinn til að gera við og tekur það mismikinn tíma eftir því hve slæmar skemmdirnar eru. Það er því enginn ávinningur í að klessukeyra, strauja veggi eða skera beygjur grófar en leikurinn leyfir, því það endar bara í tímarefsingum og skemmdum á bílnum sem hægja á þér, ásamt því að mögulega skemma fyrir öðrum keppendum, sem er leiðinlegt fyrir báða aðila.

Ólíkt raunveruleikanum, þá refsar leikurinn ekki fyrir að þvera "pit-exit" línur þar sem menn rúlla út úr pittinum. Til þess að gæta öryggis og fyrirbyggja árekstra út úr pittinum, þá er miðað við að keppendur fylgi þessum línum séu aðrir keppendur nálægt. Sé enginn keppandi nálægur þegar komið er úr pitt, þá er ekkert aðhafst þó línurnar séu þveraðar. Það er því mjög mikilvægt að líta á brautarkortið þegar farið er úr pitt til að athuga hvort aðrir keppendur séu að nálgast. Fari keppandi yfir línurnar og í veg fyrir annan keppanda gæti farið svo að atvikið verði tilkynnt og viðkomandi gæti þá átt von á tímarefsingu að lokinni keppni.

 

- ÓHÖPP / ÁLITAMÁL - KÆRUR -

Í kappakstri geta alltaf orðið óhöpp og sem betur fer eru þau sjaldnast af vilja gerð, en það er erfitt að fyrirbyggja 100% alla pústra. Gran Turismo Sport er með innbyggt refsikerfi sem refsar fyrir óíþróttamannslega hegðun, en þar sem það kerfi á það til að dæma ranga keppendur til refsingar þá notum við það ekki. Þess í stað er ætlast til þess að ef keppandi er valdur að óhappi og vinnur sæti á því, þá sé sætið gefið til baka. Áhersla er lögð á sanngjarnan kappakstur.

Replay af hverri keppni er alltaf geymt til þess að hægt sé að skoða einstök atvik nánar ef þörf krefur. 

Kærufrestur er 1 klukkustund frá keppnislokum. Kærur sem berast eftir þann tíma verða ekki teknar til greina og engar undantekningar gerðar, sama hversu stutt er síðan fresturinn rann út. Keppandi sem kærir setur sig í samband við keppnishaldara og greinir frá því um hvaða atvik er að ræða og hvenær það gerðist í keppninni. Keppnishaldari tekur saman myndbrot af atvikinu frá sjónarhornum beggja aðila, bæði utan frá og innanborðs, og tengir svo báða keppendur við dómara þar sem þeir geta útskýrt sína hlið af því sem gerðist. Eftir að hafa heyrt frá báðum keppendum og skoðað myndefnið tekur dómari ákvörðun um það hvort hann telji tilefni til þess að úthluta refsingu, eða hvort atvikið verði metið sem keppnisóhapp (racing incident).

 

Keppnishaldari tilkynnir í umræðuhóp deildarinnar að kæra/kærur hafi borist og hvaða keppendur eiga í hlut, og að málið sé í höndum dómara. Ef dómara þykir ástæða til þess að beita refsingu fyrir atvikið verður það ávallt í formi tímarefsingu, s.s. tíma sem bætt er ofan á heildartíma keppanda. Öll kærumál eru skráð og myndefni geymt.

Athuguið að það að kæra atvik er álitinn sem úrslitakostur og eru keppendur hvattir til þess að gera það ekki nema að vel ígrunduðu máli og ef þeir telja að illa hafi verið brotið gegn sér í keppni.

Athugið að tímarefsingar/penalty sem leikurinn útdeilir í keppni, t.d. fyrir að fara yfir brautarmörk, eru endanleg og ekki hægt að kæra þau, sama á hvaða tímapunkti það gerist í keppni. Engar undantekningar verða gerðar á því.

Besta leiðin til þess að forðast óhöpp er að fylgjast mjög vel með því sem er að gerast í kringum sig og vera ekki of aggressífur. Hafa þarf í huga að keppnirnar eru u.þ.b. klukkutíma langar og því engin ástæða til að taka óþarfa áhættur og reyna að taka fram úr mörgum í einu í fyrstu beygju(m). Keppnin vinnst ekki á fyrsta hring.

 

Sýnum þolinmæði og keyrum skynsamlega því það er sérlega leiðinlegt að mögulega eyðileggja keppni fyrir sjálfum sér og öðrum með því að keyra einhvern út af brautinni, t.d. vegna þess að maður var of nálægt næsta manni fyrir krappa beygju og endaði aftan á honum.

- FJARVISTIR / BROTTFALL -

Ef keppandi er ekki mættur og ekkert hefur heyrst frá viðkomandi þegar tímatökur eru að hefjast, þá er hann skráður sem DNS = Did Not Start og fær 0 stig fyrir keppnina.

Seinki keppanda lítillega er mögulegt að seinka tímatökum um einhverjar mínútur svo að hann nái inn, því ekki er hægt að koma inn í tímatökuna eftir að hún hefst, og þ.a.l. ekki keppnina heldur því hún hefst strax í kjölfarið.

Ef svo ólíklega vill til að keppandi byrjar tímatöku en dettur einhverra hluta vegna út, t.d. vegna internet vandamála, þá þarf hann að sitja hjá restina af tímatökunni. Skjáskot er tekið af niðurstöðum tímatökunnar og nýtt keppnis session sett af stað þar sem rásröðin er handstillt samkvæmt niðurstöðum tímatökunnar. Sá sem datt út ræsir aftastur, sé hann yfir höfuð tilbúinn í keppni.

Ef keppandi hefur keppni en fellur út af einhverjum ástæðum, hvort sem sá hinn sami hafi hætt af sjálfsdáðum eða misst tengingu vegna netvandamála, þá verða þeir merktir sem “DNF” (Did Not Finish) og fá 0 stig fyrir keppnina, óháð því hversu hátt hlutfall af keppnislengd var keyrt og hver ástæða brottfallsins var.

- REFSISTIGAKERFI V/DNF & DNS -

Þar sem Tier 1 er lokuð deild þar sem færri komast að en vilja, þá er gert ráð fyrir því að keppendur nýti sinn keppnisrétt eins vel og mögulegt er. Sem tilraun til þess að fyrirbyggja slappa mætingu og ítrekuð brottföll út keppnum verður sett á laggirnar refsistigakerfi frá og með 2020-21 keppnistímabilinu.

 

Af 17 keppnum þá gilda 14 bestu keppnir til stiga hjá hverjum og einum og eru því í raun þrír “frípassar” ef svo mætti segja. Það er sanngjörn leið til að koma til móts við það að stundum getur “life get in the way” og maður misst af keppnum. En ef við bætast fleiri DNS/DNF fer refsikerfið að tikka.

Fyrir fyrsta DNF/DNS umfram frípassana þrjá eru engin viðurlög, hægt er að líta á það sem gult spjald. Næsta DNF/DNS verður til þess að 5 stig eru dregin af keppanda í stigakeppni ökumanna. Þriðja DNF/DNS umfram frípassana verður til þess að viðkomandi keppandi verður færður niður í Tier 2. Leitað verður í Tier 2 að ökumanni til að koma inn í staðinn skv. Fyrirliggjandi reglum.

- STIGASKOR -

Af 17 keppnum, þá gilda til stiga 14 bestu úrslitin hjá hverjum og einum. Athugið að stig sem fást fyrir hraðasta hring í keppni (1 stig) eru talin alveg sér og falla ekki út með keppnum sem falla undir þrjú verstu úrslit keppanda.

Endi tveir eða fleiri keppendur jafnir að stigum í lok tímabils þá hefur sá betur sem hefur hlotið fleiri sigra á tímabilinu. Ef fjöldi sigra er jafn, þá er horft á fjölda keppna í 2. Sæti. Sé sá fjöldi líka jafn, þá er horft á fjölda keppna í 3. Sæti, og svo framvegis þar til einhver keppandi hefur betur og er þá úrskurðaður endanlegur sigurvegari. Þessi aðferð er notuð til að skera úr um jafntefli, óháð því hvort um sé að ræða efstu eða neðstu keppendur.

Athugið að ef skera þarf úr um jafntefli, þá telja allar keppnirnar í þeim talningum, þar með taldar þær keppnir sem féllu undir verstu fjögur úrslist keppanda.

 

Stigagjöf í keppnum:

 

01. Sæti = 25 Stig

02. Sæti = 20 Stig

03. Sæti = 18 Stig

04. Sæti = 16 Stig

05. Sæti = 14 Stig

06. Sæti = 12 Stig

07. Sæti = 10 Stig

08. Sæti =   8 Stig

09. Sæti =   6 Stig

10. Sæti =   5 Stig

11. Sæti =   4 Stig

12. Sæti =   3 Stig

13. Sæti =   2 Stig

14. Sæti =   1 Stig

15. Sæti =   0 Stig

Hraðasti hringur í keppni: 1 stig

  • Facebook
  • YouTube
  • Instagram

©2019 GTS Iceland

This site was designed with the
.com
website builder. Create your website today.
Start Now