• Facebook
  • YouTube
  • Instagram

©2019 GTS Iceland

TIER 2

REGLUR OG FYRIRKOMULAG

- KEPPNIR OG KEPPNISBÍLAR -

Tier 2 er keyrt samhliða Tier 1, á sömu keppnisdögum, sömu brautum við sömu brautarskilyrði. Tímabilið er þó ekki eins langt og í Tier 1, en keppnirnar 19 skiptast í tvö tímabil í Tier 2. Keppni 1-9 er vetrartímabilið, og keppni 10-19 er vortímabilið. Sigurvegarar beggja tímabila hafa áunnið sér keppnisrétt í Tier 1 tímabilið eftir, hafi þeir áhuga.

 

Flestar keppnirnar eru One-Make Gr.4 keppnir þar sem mismunandi bílar verða notaðir í hverri keppni, en það verður ein Gr.3 keppni (La Sarthe) með frjálsu bílavali og svo verður lokakeppnin Gr.4 með frjálsu bílavali. Tuning er læst og BoP (Balance of Performance) er On til að tryggja að allir séu að keyra á sama spec. Keppnisdagatalið mun liggja fyrir með góðum fyrirvara og verður hægt að sjá dagskrána fyrir bæði tímabilin.

Þurfi af einhverjum ástæðum að víkja frá tíma, dagsetningu eða öðrum atriðum keppni eftir að keppnisdagatal hefur verið ákveðið verður tilkynnt um það með góðum fyrirvara.

 

Notkun á livery er frjáls en allir keppendur eru hvattir til þess að búa sér til eigið livery. Það er ekki skylda, en vel séð að hafa eftirfarandi merkingar sjáanlegar á bílunum:

 

- Merkingu GTS Iceland. Decals undir tagginu "gtsiceland" í Discover.

- Merkingu Tasty, sem er styrktaraðili deildarinnar. Decals undir tagginu "tastygtsice" í Discover.

- Merkingu Mbl.is/Bílar, sem hefur verið að fjalla um deildina. Decals undir tagginu "bilarmbl" í Discover.

Þessar merkingar þurfa ekki að vera stórar, en vel séð að hafa þær sjáanlegar einhverstaðar á bílunum.

 

- KEPPENDUR -

Það er pláss fyrir 15 keppendur í hverri keppni í Tier 2 og er deildin opin öllum, að undanskildum þeim sem eru að keppa í Tier 1.

 

Falli einhver keppandi úr keppni á miðju tímabili og hættir þáttöku, þá er auglýst í Facebook hópnum GTS Iceland eftir ökumanni/ökumönnum.

- VERÐLAUN-

Í hverri keppni eru veitt "Tasty Awards", sem eru verðlaun fyrir hraðasta hring. Verðlaunin eru í boði Veitingastaðsins Tasty (www.tastyfood.is) og er gjafabréf hjá Tasty upp á burger máltíð fyrir tvo.

Áletraðir verðlaunagripir í boði AutoCenter (www.autocenter.is) eru svo veittir fyrir 1.-3. sætið á hvoru tímabili.

 

- TÍMATÖKUR -

Allar keppnir eru keyrðar í Lobby Mode: Practice/Qualifier/Race og verður Grid Order sett sem Fastest First. Lobbyið er opnað ekki seinna en 10 mínútum fyrir keppni og byrjar í Practice hlutanum. Þann tíma geta menn notað til að hita upp og setja hringi, en þeir tímar munu ekki gilda til tímatöku. Tímatakan fer fram í Qualifier hlutanum, en að honum loknum skiptist beint yfir í keppnina og er ekkert hlé á milli.

Eftir að tímatöku hefur verið hleypt af stað, þá er stranglega bannað að "Cancel Entry". Ef keppandi gerir það, þá er viðkomandi búinn að taka sig út úr tímatökum og mun ekki geta komist aftur inn.

Ef þú ert ekki í miðjum tímatökuhring, t.d. í outlap, inlap, eða ónýtum hring vegna mistaka, þá átt þú að passa mjög vel að vera ekki fyrir öðrum keppendum sem eru mögulega að setja tímatökuhring. Heilbrigð skynsemi ræður hér og allir gera sitt besta til að vera ekki fyrir hvor öðrum.

 

- KEPPNIN -

Um leið og tímatakan klárast skiptir leikurinn sjálfvirkt beint yfir í keppnina sjálfa og raðast keppendur á ráslínu samkvæmt þeim tímum sem settir voru í tímatökum.

 

Miðað er við að hver keppni taki um það bil 30 mínútur +/- og verður fjöldi hringja stilltur í hverri keppni í samræmi við það.

 

Leyfileg dekk í keppnum (og tímatökum) eru Racing: Medium og notast er við 3x Tyre Wear og 2x Fuel Depletion. Það dugar til þess að dekkjaslit hefur áhrif þegar líður á keppnina og bíllinn léttist aðeins sökum bensínnotkunar, en ekki það mikið að menn þurfi að taka pitstop og pæla í strategy.

Í keppninni er svo regla númer 1, 2 og 3 að keyra clean og sýna öðrum keppendum virðingu. Ekki reyna framúrakstur ef það er ekki pláss og fylgstu vel með því sem er að gerast í kringum þig. Athugið þó að keppendur sem verið er að hringa munu verða að ghost til þess að koma í veg fyrir óþarfa pústra við hringanir.

Mælst er til þess að keppendur hafi Radar á þegar aðrir keppendur eru nálægt til þess að geta betur fylgst með og fyrirbyggt árekstra. Hafið í huga að erfitt getur verið að áætla nákvæmlega hvenær mótspilarar bremsa og ekki er ráðlagt að vera of nálægt næsta manni rétt fyrir beygju til að forðast að keyra aftan á næsta bíl ef viðkomandi bremsar fyrr en áætlað.

Öll penalty (fyrir utan Wall Collision Penalty) eru á ströngustu stillingum og Mechanical Damage er á Light. Sú stilling gerir það að verkum að ef þú lendir í skemmdum þá þarftu ekki að fara í pittinn að gera við, heldur hanga skemmdirnar bara inni í smástund en lagast svo sjálfvirkt. 

 

- ÓHÖPP -

Í kappakstri geta alltaf orðið óhöpp og sem betur fer eru þau sjaldnast af vilja gerð. Það er erfitt að fyrirbyggja 100% alla pústra, en Gran Turismo Sport er með innbyggt refsikerfi sem refsar fyrir óíþróttamannslega hegðun, sem eins og fyrr segir er notast við í keppnunum.

 

Kerfið er auðvitað ekki fullkomið, en við notumst við það sem leikurinn hefur upp á að bjóða.

Replay af hverri keppni er alltaf geymt til þess að hægt sé að skoða einstök atvik nánar ef þörf krefur.

 

Reynum svo að hafa góða skapið með í för og forðast allan ágreining og rifrildi.

 

Sé keppandi ásakaður um að keyra á aðra vísvitandi þarf sá sem verður fyrir því að láta vita eftir race í hvaða hring það var og þá er hægt að skoða replay til að meta óhappið og fá álit utanaðkomandi aðila. Ef sami spilari er ítrekað gripinn fyrir kærulausa hegðun á brautinni gæti komið til þess að viðkomandi fái keppnisbann.

Besta leiðin til þess að forðast óhöpp er að fylgjast mjög vel með því sem er að gerast í kringum sig og vera ekki of aggressífur. Keppnin vinnst ekki á fyrsta hring. Sýnum þolinmæði og keyrum skynsamlega og clean því það er leiðinlegt að mögulega eyðileggja keppni fyrir sjálfum sér og öðrum með glæfralegum akstri.

 

- FJARVISTIR / BROTTFALL -

Ef keppandi er ekki mættur þegar tímataka er að hefjast og ekkert hefur heyrst frá honum, telst hann forfallaður.

Ef keppandi hefur keppni en fellur út af einhverjum ástæðum, hvort sem sá hinn sami hafi hætt af sjálfsdáðum eða misst tengingu vegna netvandamála, þá verða þeir merktir sem “DNF” (Did Not Finish). Þeir sem enda sem DNF fá stig samkvæmt því sæti sem þeir enda í (ekki því sæti sem þeir voru í þegar þeir hættu/duttu út), en þurfa þó að hafa keyrt a.m.k. 75% af keppninni til að geta hlotið stig. Detti einhver út eftir minna en 75% af keppni þá fær viðkomandi engin stig.

- STIGASKOR -

Á vetrartímabili eru 9 keppnir og gilda 7 bestu úrslit gilda til stiga, en á vortímabili eru 10 keppnir og þar gilda 8 bestu úrslit til stiga. Það eru því 2 "frípassar" á hvoru tímabili. Athugið að stig sem keppendur fá fyrir hraðasta hring í keppni (1 stig) falla ekki út þó þau hafi fengist í keppni sem fellur undir frípassa, heldur eru þau alveg aðskilin.

Endi tveir eða fleiri keppendur jafnir að stigum í lok tímabils þá hefur sá betur sem hefur hlotið fleiri sigra á tímabilinu. Ef fjöldi sigra er jafn, þá er horft á fjölda keppna í 2. Sæti. Sé sá fjöldi líka jafn, þá er horft á fjölda keppna í 3. Sæti, og svo framvegis þar til einhver keppandi hefur betur og er þá úrskurðaður endanlegur sigurvegari. Þessi aðferð er notuð til að skera úr um jafntefli, óháð því hvort um sé að ræða efstu eða neðstu keppendur.

 

Stigagjöf í keppnum:

 

01. Sæti = 25 Stig

02. Sæti = 20 Stig

03. Sæti = 18 Stig

04. Sæti = 16 Stig

05. Sæti = 14 Stig

06. Sæti = 12 Stig

07. Sæti = 10 Stig

08. Sæti =   8 Stig

09. Sæti =   6 Stig

10. Sæti =   5 Stig

11. Sæti =   4 Stig

12. Sæti =   3 Stig

13. Sæti =   2 Stig

14. Sæti =   1 Stig

15. Sæti =   0 Stig

Hraðasti hringur í keppni = 1 stig

This site was designed with the
.com
website builder. Create your website today.
Start Now