Hvað er Opna Deildin?

Opna Deildin, áður kölluð "Tier 3", er opin deild sem fór af stað samhliða 2020-21 keppnisárinu, en fjöldi áhugasamra keppenda var orðinn talsvert meiri en efri deildirnar gátu tekið við. Allir sem ekki eru að keyra í efri deildunum geta tekið þátt.

Keppt er á keppnisbílum í Gr.3 flokki í öllum keppnum, að undanskilinni Circuit de La Sarthe þar sem keyrt er á Gr.1. Ólíkt efri deildunum þá er frjálst bílaval í hverri keppni. Þetta gefur keppendum tækifæri á að prófa sig áfram og kynnast fleiri bílum og þannig undirbúa sig fyrir að gera atlögu að efri deildunum þar sem bílaval er læst.

Deildin er hugsuð fyrir þá sem ná ekki þáttökurétt í Úrvalsdeild eða 1. Deild í gegnum tímatökur, eða þá sem einfaldlega eru meira "casual" í sinni spilun og vilja geta dottið inn í keppni hér og þar þegar þeim hentar án skuldbindinga. Eins er þetta góður staður til að byrja fyrir þá sem eru nýir í þessu hobby.

 

Fullkominn staður til að byrja í GTS Iceland og ná sér í reynslu, sem og fyrir þá sem eru ekki tilbúnir að skuldbinda sig í efri deildunum, eða koma inn í hópinn á miðju tímabili.