TIER 3

REGLUR OG FYRIRKOMULAG 2020-21

- KEPPNIR OG KEPPNISBÍLAR -

Tier 3 er keyrt samhliða Tier 1 og Tier 2. Keppnisdagar eru annað hvert þriðjudagskvöld og er keppt á sömu brautum, við sömu brautarskilyrði og í Tier 1 og Tier 2. Keppnistímabilið er skipt í tvö tímabil, rétt eins og í Tier 2: Vetrar- og Vortímabil. 

 

Keppt er á Gr.3 keppnisbílum og er bílaval frjálst í hverri keppni, en það gefur keppendum tækifæri á að prófa sig áfram, kynnast mismunandi bílum og undirbúa sig fyrir Tier 2 ef þeir hafa það markmið að færast þangað síðar meir. "Balance of Performance" (BoP) er á og "Tuning" er læst.

Þurfi af einhverjum ástæðum að víkja frá tíma, dagsetningu eða öðrum atriðum keppni eftir að keppnisdagatal hefur verið ákveðið verður tilkynnt um það með eins miklum fyrirvara og mögulegt er.

 

Notkun á livery er frjáls, en eftirfarandi merkingar verða að vera einhverstaðar sjáanlegar á bílunum:

 

- Merking GTS Iceland

- Merkingu Tasty, sem er styrktaraðili deildarinnar.

- Merkingu AutoCenter, sem er styrktaraðili deildarinnar.

- Merkingu Hafið Fiskverslun, sem er styrktaraðili deildarinnar.

Decals má finna í gallery hjá "Guffaluff" í leiknum. Þessar merkingar þurfa ekki að vera stórar, en þurfa að vera sjáanlegar einhverstaðar á bílunum.

 

- KEPPENDUR / TILFÆRSLUR MILLI DEILDA -

Tier 3 deildin er opin öllum þeim sem ekki eru að keppa í Tier 1 eða Tier 2 og því engar tímatökur í aðdragenda tímabilsins til þess að öðlast keppnisrétt í deildinni. Það er pláss fyrir 15 keppendur í hverri keppni.

Í lok Vetrartímabils munu efstu þrír keppendur í stigakeppninni færast upp í Tier 2, hafi þeir áhuga á því, og á móti færast neðstu þrír keppendur Tier 2 niður. Ef einhver úr efstu þremur sætunum hefur ekki hug á að færa sig upp í Tier 2 verður farið niður stigatöfluna í leit að keppanda sem vill færa sig upp. Ef ekki fást nægilega margir úr Tier 3 til að færa sig upp, þá færast færri keppendur á milli deilda.

Á Vortímabilinu verður það aðeins sigurvegari Tier 3 sem tryggir sér keppnisrétt í Tier 2 fyrir næsta tímabil.

- TÍMATÖKUR -

Allar keppnir eru keyrðar í Lobby Mode: Practice/Qualifier/Race og verður Grid Order sett sem Fastest First. Lobbyið er opnað ekki seinna en 10 mínútum fyrir keppni og byrjar í Practice hlutanum. Þann tíma geta menn notað til að hita upp og setja hringi, en þeir tímar munu ekki gilda til tímatöku. Tímatakan fer fram í Qualifier hlutanum, en að honum loknum skiptist beint yfir í keppnina og er ekkert hlé á milli.

Eftir að tímatöku hefur verið hleypt af stað, þá er stranglega bannað að "Cancel Entry". Ef keppandi gerir það, þá er viðkomandi búinn að taka sig út úr tímatökum og mun ekki geta komist aftur inn.

Ef þú ert ekki í miðjum tímatökuhring, t.d. í outlap, inlap, eða ónýtum hring vegna mistaka, þá átt þú að passa mjög vel að vera ekki fyrir öðrum keppendum sem eru mögulega að setja tímatökuhring. Heilbrigð skynsemi ræður hér og allir gera sitt besta til að vera ekki fyrir hvor öðrum á meðan tímatökurnar standa yfir.

ATH: Það verða engar tímatökur í lokakeppnum Vetrartímabils (Le-Mans) og Vortímabils (Nordschleife). Keppendur sem mæta í keppni verður raðað á ráslínu handvirkt samkvæmt stöðu í stigakeppni.

 

- KEPPNIN -

Um leið og tímatakan klárast skiptir leikurinn sjálfvirkt beint yfir í keppnina sjálfa og raðast keppendur á ráslínu samkvæmt þeim tímum sem settir voru í tímatökum.

 

Miðað er við að hver keppni taki um það bil 30 mínútur +/- og verður fjöldi hringja stilltur í hverri keppni í samræmi við það.

 

Leyfileg dekk í keppnum (og tímatökum) eru Racing: Medium og notast er við 3x Tyre Wear og 2x Fuel Depletion. Það dugar til þess að dekkjaslit hefur áhrif þegar líður á keppnina og bíllinn léttist aðeins sökum bensínnotkunar, en ekki það mikið að menn þurfi að taka pitstop og pæla í strategy. 

Í keppninni er regla númer 1, 2 og 3 að keyra clean og sýna öðrum keppendum virðingu. Ekki reyna framúrakstur ef það er ekki pláss og fylgstu vel með því sem er að gerast í kringum þig. Við hringanir ber þeim sem verið er að hringa að virða bláu flöggin og hleypa framúr eins greiðlega og mögulegt er með því að gefa eftir aksturslínuna. Í keppninni er annars miðað við að almennar raunheima reglur í kappakstri gildi, en HÉR má finna góða lesningu fyrir þá sem vilja kynna sér þær betur og/eða rifja upp. ATH að ekki er leyfilegt að skilja bílinn eftir sem ghost í autodrive þar sem það getur verið truflandi fyrir aðra ökumenn.

Mælst er til þess að keppendur hafi Radar á þegar aðrir keppendur eru nálægt til þess að geta betur fylgst með og fyrirbyggt árekstra. Hafið í huga að erfitt getur verið að áætla nákvæmlega hvenær mótspilarar bremsa og ekki er ráðlagt að vera of nálægt næsta manni rétt fyrir beygju til að forðast að keyra aftan á næsta bíl ef viðkomandi bremsar fyrr en áætlað.

Öll penalty (fyrir utan Wall Collision Penalty) eru á ströngustu stillingum og Mechanical Damage er á Light. Sú stilling gerir það að verkum að ef þú lendir í skemmdum þá þarftu ekki að fara í pittinn að gera við, heldur hanga skemmdirnar bara inni í smástund en lagast svo sjálfvirkt. 

Ólíkt raunveruleikanum, þá refsar leikurinn ekki fyrir að þvera "pit-exit" línur þar sem menn rúlla út úr pittinum. Til þess að gæta öryggis og fyrirbyggja árekstra út úr pittinum, þá er ætlast til þess að keppendur fylgi þessum línum séu aðrir keppendur nálægt. Það er því mjög mikilvægt að líta á brautarkortið þegar farið er úr pitt til að athuga hvort aðrir keppendur séu á svæðinu.

 

- ÓHÖPP -

Í kappakstri geta alltaf orðið óhöpp og sem betur fer eru þau sjaldnast af vilja gerð, en það er erfitt að fyrirbyggja 100% alla pústra. Gran Turismo Sport er með innbyggt refsikerfi sem refsar fyrir óíþróttamannslega hegðun og er notast við það í Tier 3 deildinni. Kerfið er ekki fullkomið og það getur komið fyrir að rangur keppandi fái refsingu, en þar sem ekki er hægt að kæra atvik í Tier 3 þá notumst við það. Annars eru keppendur beðnir að hafa "heiðursmannaregluna" í huga, en hún felur í sér að gefa eftir sæti sem unnið er með óheiðarlegum hætti, t.d. með árekstri. Áhersla er lögð á sanngjarnan kappakstur í GTS Iceland.

 

Besta leiðin til þess að forðast óhöpp er að fylgjast mjög vel með því sem er að gerast í kringum sig og vera ekki of aggressífur. Hafa þarf í huga að keppnirnar eru u.þ.b. hálftíma langar og því engin ástæða til að taka óþarfa áhættur og reyna að taka fram úr mörgum í einu í fyrstu beygju(m). Keppnin vinnst ekki á fyrsta hring.

Sýnum þolinmæði og keyrum skynsamlega og clean því það er leiðinlegt að mögulega eyðileggja keppni fyrir sjálfum sér og öðrum með því að keyra einhvern út af brautinni, t.d. vegna þess að maður var of nálægt næsta manni fyrir krappa beygju og endaði aftan á honum.

 

- FJARVISTIR / BROTTFALL -

Seinki keppanda lítillega er mögulegt að seinka tímatökum um einhverjar mínútur svo að hann nái inn, því ekki er hægt að koma inn í tímatökuna eftir að hún hefst, og þ.a.l. ekki keppnina heldur því hún hefst strax í kjölfarið. Keppandi þarf að láta vita af sér í þeim tilvikum og mun keppnishaldari taka ákvörðun um hvort svigrúm sé til þess að hinkra eftir honum. 

 

Ef svo ólíklega vill til að keppandi byrji tímatöku en dettur einhverra hluta vegna út, t.d. vegna internet vandamála, þá þarf hann að sitja hjá restina af tímatökunni. Skjáskot er tekið af niðurstöðum tímatökunnar og nýtt keppnis session sett af stað þar sem rásröðin er handstillt samkvæmt niðurstöðum tímatökunnar. Sá sem datt út ræsir aftastur, sé hann yfir höfuð tilbúinn í keppni.

 

Ef keppandi hefur keppni en fellur út af einhverjum ástæðum, hvort sem sá hinn sami hafi hætt af sjálfsdáðum eða misst tengingu vegna netvandamála, þá verða þeir merktir sem “DNF” (Did Not Finish) og fá 0 stig fyrir keppnina, óháð því hversu hátt hlutfall af keppnislengd var keyrt og hver ástæða brottfallsins var.

 

- STIGASKOR -

Á vetrartímabili eru 8 keppnir og gilda 7 bestu úrslit gilda til stiga, en á vortímabili eru 9 keppnir og þar gilda einnig 7 bestu úrslit til stiga. Athugið að stig sem keppendur fá fyrir hraðasta hring í keppni (1 stig) falla ekki út þó þau hafi fengist í keppni sem fellur undir frípassa, heldur eru þau alveg aðskilin.

Endi tveir eða fleiri keppendur jafnir að stigum í lok tímabils þá hefur sá betur sem hefur hlotið fleiri sigra á tímabilinu. Ef fjöldi sigra er jafn, þá er horft á fjölda keppna í 2. Sæti. Sé sá fjöldi líka jafn, þá er horft á fjölda keppna í 3. Sæti, og svo framvegis þar til einhver keppandi hefur betur og er þá úrskurðaður endanlegur sigurvegari. Þessi aðferð er notuð til að skera úr um jafntefli, óháð því hvort um sé að ræða efstu eða neðstu keppendur.

Athugið að ef skera þarf úr um jafntefli, þá telja allar keppnirnar í þeim talningum, þar með taldar þær keppnir sem féllu undir verstu tvö úrslist keppanda.

Stigagjöf í keppnum:

 

01. Sæti = 25 Stig

02. Sæti = 20 Stig

03. Sæti = 18 Stig

04. Sæti = 16 Stig

05. Sæti = 14 Stig

06. Sæti = 12 Stig

07. Sæti = 10 Stig

08. Sæti =   8 Stig

09. Sæti =   6 Stig

10. Sæti =   5 Stig

11. Sæti =   4 Stig

12. Sæti =   3 Stig

13. Sæti =   2 Stig

14. Sæti =   1 Stig

15. Sæti =   0 Stig

Hraðasti hringur í keppni = 1 stig

  • Facebook
  • YouTube
  • Instagram

©2019 GTS Iceland

This site was designed with the
.com
website builder. Create your website today.
Start Now